Lleoliad, Graig Park, Dyserth

Wedi ei leoli wrth droed Allt Y Graig, gyda’r Graig Fawr y tu cefn iddo, mae’n hawdd cyrraedd teithiau cerdded o’r man yma, teithiau sy’n dilyn lonydd gwledig gyda golygfeydd braf ar draws amrywiol diroedd, rhai cymedrol a rhai sy’n fwy anodd i’r sawl sy’n cerdded er mwyn hybu iechyd.

O gadw ar y tir gwastad, ceir lonydd gwledig a llwybrau marchogaeth, neu o ddringo ychydig mae modd cerdded at y Rhodfa o Ddiserth i Brestatyn, gyda llwybrau sy’n mynd trwy’r coed ac ar hyd y bryniau lleol. Ceir golygfeydd ardderchog o Eryri a Dyffryn Clwyd.